DHUHKITANING TYAS

DHUHKITANING TYAS

Hangelangut tanpo pagut

Sajroning kayun kang kanyut

Pindho samudro dat tanpo tepi

Pawono ing madyaning hasamun

Datan pono praniweng tyas

Prono kawastra dening pedhut lelimengan

Kamakutho ing katresnan kang tumibeng pati

Sliramu …kang sulistyeng warni

Nadyan aku …lagyo hanawung sungkowo

Jroning ati …tan kendhat ing pamuji

Mugyo Gusti Kang Murbeng Dumadi

Tansah paringo husodo ing ngasepi

Dhuh ….yayi ……..

Esemmu kang pait madu

Sunaring netramu kang kumenyar…….

Kabeh mahu tan biso dak laleake

Datan sirno jroning kalbu

Aku kang lagyo kayungyun

Wardoyo …kabiwondho dening roga

Bawono koyo ndhedhet madyaning ratri

Soroting basonto tan biso hanelahi …

Pandaming kartiko ugo datan hamaesi wengi

Sunaring Pratonggopati tuhu tan biso paring husada

Lajuning maruto hanglintrih ….

Kadyo wanuh marang rudhitaning atiku…..

Kang  kajuwing – juwing …….. dening kahanan

Ponang dhodho lir  …jinojoh Naggolo

Suksmaku nglamboro …… jroning ngasamun

Arso hangupadi katresnan kang sirno

Dhuh ….Hywang Widhi Kang Moho Wikan …….

Dhateng pundi kulo kedhah …..hangupadi katresnan kulo..?

Kados pundi kulo saged Waluyo Jati temah Jati Waluyo…

Yen… raos tresna salebeting prono puniki….

Tansah hamulat – mulat  yayah Praboto Aghni…

Dhuh …..Gusti Hywang Amanon …

Mbenjang nopo ….. kulo kepanggyan  kusumaning tyas …

Sahinggo paring husada mring roga kulo Gusti…..

Pindho lumampah ing dalu kapapag ing obor sewu

Lir katigo  kang ketaman ing mangsa riris

Dupi kulo saged pinanggih Retnaning galih 

Kang dados pepujaning ati …….tuhu kekudanganing kalbu

Nanging… aku tansah setyo tuhu marang katresnanku …..

Aku tansah setyo marang sliramu ….wong ayu

Nadyan maburo ulo tapak angin …….silemo ing samudro dahono

Punjulo ing apapak.. mbarojolo ing akerep ……

Roso Tresno iki …tan kenaning pati

          7 Juli 2005

K G P H