LUKITANING ASMORO

LUKITANING ASMORO

Rep … sidhem prabhawaning ratri

Tan ono sabawaning walang ngalisik

Gegodhongan tan ono obah

Samirono datan lumampah

Amung wengi kang  ngemuli jagad

Mowo tis  kairing ngasepi

Binarung sunaring sosodoro kang hangglar padhang

Dupi wahyaning madyaratri

Kawistara saking mandrawa

Soroting condro tumibeng karang kitri

Weh wimbuh lingseming ati

Kang tuhu lagyo hanawung asmoro

Tansah katon jroning asamun….

Sunaring netramu kang ngemu tejo

Rikma satraju kang mowo cahyo

Ugo esemmu…kang tansah kagurit jroning wardoyo

Nadyan maewu – ewu sumirating sudomo

Gilaring netro sang hywang pratonggopati

Soho sunaring basonto kang hanelahi jagad

Nanging …… datan ono sawiji

Kang arso ngleliru mring sulistyeng warni

Kang hangembari endahing katresnan iki

Nadyan punjul ing apapak mbarojol ing akerep

Kasampyuk ing aratan kabentus ing awang – awang

Tresno iki tan kenaning pati ……….

                 Nuwun…… anggen kawulo hangripta geguritan ing kalenggahan samangke, hanamung kawulo aturaken dhumateng panjenengan ingkang dados kusumaning tyas kekudanganing kalbu nuwun inggih ……. Panjenenganipun Rara Ayu Rudhatie ingkang sulistyo ing warna kadhahat kalinggo murdhaning akrami mugi sagedo paring lejaring nolo kang lagyo hanawung sungkowo,  menawi kirang handadosaken suko renaning galih … kawulo ngaturaken sih gunging samudra pangaksama. Nuwun ……. Sumonggo tansah memuji dhumateng Gusti Ingkang Murbeng Dumadi Kanthi sesanti :

“ Jaya – Jaya Wijayanti tinebihno ing siku dhendho cinaketno ing toyaning ngaksomo “

K G P H